এটা প্রেমৰ কবিতা
নীলিম কুমাৰ
কালিলৈকে মই যি আছিলোঁ
আজি সেইজন নহয়
কালিলৈকে মই ঠিকেই আছিলো
কেৱল কালিলৈকে ঠিকে আছিলো মই
তাৰ পাছত ভাগি গ'লো
আগতে যাক ভাল পাই আছিলো
কালিলৈকে তেওঁকে ভাল পাইছিলোঁ
আজি মই ভাগি যোৱাৰ কাৰণে
ভালপোৱাও ধোঁৱাৰ দৰে উৰি গ'ল
কালিলৈকে যিবোৰ শব্দ মই উচ্চাৰণ কৰিছিলো
বুকুত থোকাথুকি কৰিছিল
যিবোৰ প্রিয় শব্দই মোৰ
আজি সেইবোৰ শব্দ জিভালৈ নাহিল
এটিবাৰো
ইমান গভীৰ ভালপোৱাইও
আমাক বচাব নোৱাৰিলে কিয়
মোৰ বলিয়ালিবোৰো শেষ হ'ল
মই এতিয়া কাৰ ভৰসাত
মোক এৰি দিম ?
আমালৈ লেখা প্ৰেৰণ কৰিব পাৰে ।
আমাৰ official email- niyamiyaastha@gmail.com
0 Comments